Bakıda “OBA” marketdəki qətlin təfərrüatları | Birinci dəfə idi gördüm ki...

Paytaxtda qətl hadisəsi baş verib.

Hadisə Sabunçu rayonunun Ramana qəsəbəsində “Südçülük sovxozu” adlanan ərazidə qeydə alınıb.

Məlumata görə, marketdə satıcı işləyən 20 yaşlı Xəyal Nağıyevlə 16 yaşlı yeniyetmə müştəri arasında mübahisə baş verib. Mübahisə zamanı 16 yaşlı yeniyetmə Xəyal Nağıyevin ürəyinə bıçaq zərbəsi endirərək onu qətlə yetirib.

“Dükana çörək almaq üçün gəlmişdim. Baxdım ki, uşağı vurublar, yerdə uzanıb. Hadisəni törədən şəxsi birinci dəfədir ki, görürdüm. Onun burada kirayədə qaldığını deyirlər”, – hadisə şahidi bildirib.

Qeyd edək ki, hadisə oktyabrın 1-də “Oba” marketlər şəbəkəsinin filiallarından birində baş verib.