Bakıda ödəmə terminalını yardılar

Bakının Nərimanov rayonunda yerləşən ödəmə terminallarından birindən oğurluq edilib.

Daxili İşlər Nazirliyinin mətbuat xidmətinin yaydığı məlumata görə, naməlum şəxs terminalı sındıraraq oradan 29 min manata yaxın pulu ələ keçirib. Həmin şəxsin oğurluq etməsi təhlükəsizlik kameraları vasitəsilə də görüntülənib.

Nərimanov Rayon Polis İdarəsinin əməkdaşları tərəfindən həyata keçirilən əməliyyat nəticəsində hadisəni törətməkdə şübhəli bilinən Rəşad Süleymanov müəyyən edilərək saxlanılıb.

Qeyd edilən faktla bağlı istintaq tədbirləri davam etdirilir. Rəşad Süleymanovun digər qanunsuz əməllərdə iştirakının olub-olmaması araşdırılır.