Hadisə
Pleyeri seçin:
Biləsuvarda baş verən bədbəxt hadisənin detalları məlum oldu
Bakı şəhəri, Suraxanı qəsəbə sakini 48 yaşlı Fövzi Quliyev vəzifəsini icra edərkən hündürlükdən yıxılıb.
Hadisə Biləsuvarın Arazbarı kəndində yerləşən iri təsərrüfat soyuducusunun təhlükəsizlik qaydalarına uyğunluğu yoxlanılarkən baş verib.
Belə ki, Fövzi Quliyev qaldırıcı maşının köməyi ilə hündürlüyə qalxaraq soyuducunun yuxarı hissələrində elektrik və digər qaydaları təlimata uyğun yoxlayırmış. Bu zaman o, müvazinətini itirərək yerə yıxılıb.
Yaralı Biləsuvar Rayon Mərkəzi Xəstəxanasına çatdırılıb və məlum olub ki, şəxs ağır dərəcəli qapalı kəllə beyin travması alıb. Həkimlərin səylərinə baxmayaraq, onun həyatını xilas etmək mümkün olmayıb.
Hadisə ilə bağlı müvafiq araşdırmalara başlanılıb.
Qeyd edək ki, Fövzi Quliyevin Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyi tərəfindən müqavilə əsasında işə cəlb edilən mütəxəssis olduğu məlum olub.
Kopyalandı
Seçilmişlər
