Zərdabda ağır qəza | 2 nəfər həyatından oldu - Baku TV
Xanəndə Məftun Məmmədov ailə üzvləri ilə birgə qəzaya düşüb.
Hadisə Zərdabın Kəndəbil kəndində baş verib.
“Toyota Prius” markalı avtomobil sürücünün idarəetməsindən çıxaraq aşıb və ağaca çırpılıb. Hadisə nəticəsində xanəndənin atası və oğlu ölüb, özü ilə yanaşı, 4 ailə üzvü xəsarət alıb.
Zərdab Rayon Mərkəzi Xəstəxanasından bildirilib ki, dekabrın 9-u saat 10:20 radələrində baş verən yol-nəqliyyat hadisəsi səbəbi ilə 3-ü uşaq olmaqla ümumilikdə 7 nəfər xəstəxananın Təcili tibbi yardım şöbəsinə hospitalizasiya olunub. Yaralılara bədənin müxtəlif nahiyələrinin travmaları və qabırğaların çoxsaylı sınığı, qapalı kəllə beyin travması və müxtəlif nahiyələrin sıyrılmış, əzilmiş yaraları diaqnozları təyin olunub və zəruri tibbi xidmətlər göstərilib.
2016 və 2017-ci il təvəllüdlü azyaşlıların vəziyyətləri stabil qiymətləndirilir, müalicələri Təcili tibbi yardım şöbəsində davam etdirilir. Vəziyyətləri orta ağır qiymətləndirilən digər pasiyentlərin müalicələri Təcili tibbi yardım şöbəsində davam etdirilir. Vəziyyəti ağır qiymətləndirilən 2023-cü il təvəllüdlü azyaşlıya göstərilən bütün reanimasiya tədbirlərinə və həkimlərin çoxsaylı səylərinə baxmayaraq, saat 13:50 adələrində azyaşlının bioloji ölüm faktı qeydə alınıb.
Qeyd edək ki, hadisə zamanı 1966-cı il təvəllüdlü şəxsin həkiməqədər ölüm faktı qeydə alınıb.
Faktla bağlı araşdırma aparılır.
#Zərdab teqi istifadə olunub
- Baku TV hər kəsin danışdığı Mustafayevlər ailəsinin qonağı oldu | Zərdab
- Zərdabda şəhid Abuzər Abbasovla vida mərasimi | 32 il idi ki, gözləyirdik...
- Heç bir səs yox idi... | Zərdabda 30 yaşlı oğlanın faciəvi sonu
- Zərdab-Mollakənd yolunda təhlükə | Sürücülər narazılıq etdi
- Zərdabda ailə dəhşət yaşadı | 3 nəfəri ölümə aparan hadisənin detalları
