Bir ailənin dəhşətə gətirən əməlləri | 65 yaşlı ata ailəsini də bu işə qoşdu!
Oğuz Rayon Polis Şöbəsinin əməkdaşları tərəfindən narkotik vasitələrin satışı və kultivasiyası ilə məşğul olan şəxslərə qarşı əməliyyat keçirilib.
Bu barədə Daxili İşlər Nazirliyinin Mətbuat Xidmətinin Şəki regional qrupu məlumat yayıb.
Bildirilib ki, tədbirlərlə bir ailənin 4 üzvü ‒ əvvəllər də ağır cinayətə görə məhkum olunmuş 65 yaşlı Məmmədsaad Məmmədov, oğlu 34 yaşlı Orxan Məmmədov, arvadı 55 yaşlı Gülnaz və gəlini Dilbər Məmmədovalar saxlanılıb.
Onların Xaçmaz kəndində yaşadıqları ünvana baxış keçirilərkən 3 kiloqrama yaxın marixuana, 138 ədəd çətənə bitkisi və hissələri, eləcə də şüşə qablarda narkotik tərkibli bitkilərin toxumları aşkar olunub.
Saxlanılan şəxslər çətənə kollarını bir müddət əvvəl becərdiklərini və qulluq göstərdiklərini bildiriblər.
M.Məmmədov narkotik sifarişlərini qəbul etdikdən sonra ailə üzvləri vasitəsilə deyilən ünvanlara çatdırılmasını təmin edib.
Faktla bağlı cinayət işi başlanılıb, məhkəmənin qərarı ilə üç nəfər barəsində həbs, D.Məmmədova barəsində isə digər növdən olan qətimkan tədbiri seçilib. Əməliyyat-istintaq tədbirləri davam etdirilir.
#Oğuz teqi istifadə olunub
- Oğuzda maşın aşdı | Ölən və yaralanan var
- Oğuzda sahibsiz inəyin səbəb olduğu qəza
- "Pis günə qoydular, boğaza yığılmışıq əllərindən" | Kənd sakinlərinin başına oyun açan problem
- Oğuzda ailə faciəsi | 47 yaşlı qadının qətli ilə bağlı təfərrüatlar məlum oldu
- Oğuzda Bayraq Günü münasibətilə izdihamlı yürüş keçirilib
