Daşkəsəndə kişi arvadına bıçaqla xəsarət yetirdi

Daşkəsəndə bıçaqlanma hadisəsi baş verib.

Bayan kəndində 58 yaşlı İsa Quliyev və qızı 26 yaşlı Aytən Quliyeva avtomobillə hərəkətdə olarkən ailənin kürəkəni Röyal Allahverdiyev onların qarşısını kəsib. Yolda tərəflər arasında yaranan mübahisə cinayətlə nəticələnib.

Münaqişə zamanı kürəkən qayınatasının yanında həyat yoldaşına bıçaq zərbələri endirib. Ata dərhal qızını Gəncə şəhərinə xəstəxanaya çatdırıb. Yaralı əməliyyat edilib, vəziyyəti kafidir.

Hadisə ilə bağlı Daşkəsən Rayon Polis Şöbəsi dərhal əməliyyat-axtarış tədbirləri keçirib. Röyal Allahverdiyev saxlanılaraq istintaqa təhvil verilib.