Dəhşətli zəlzələ Suriyada 100-dən çox insanın ölümünə səbəb olub

Ocağı Türkiyədə qeydə alınan 7,4 bal gücündə zəlzələ Suriyanın şimal bölgələrində də dağıntılara yol açıb. Dağıntılar əsasən Hələb və İdlib bölgələrində qeydə alınıb.

Məlumata görə, Suriyada baş verən zəlzələ nəticəsində 100-lərlə insan ölüb, 600-dən çox yaralı var. Bu barədə ölkənin Səhiyyə Nazirliyindən bildirilib.

Qeyd olunub ki, Hələb, İdlib, Latakiya və Həma əyalətlərində dağılmış binaların altında çoxlu sayda insan qalıb. Bildirilib ki, bu saata qədər dağıntılar altından azı 400 nəfər çıxarılıb. Onların vəziyyəti ağır olduğundan ölü sayının artacağı istisna olunmur.