DTX dövlətə xəyanət edən daha bir casusu həbs etdi

Dövlətə xəyanətə görə saxlanılan Azərbaycan vətəndaşı Validə Yusifova barədə Dövlət Təhlükəsizlik Xidmətinin İstintaq Baş İdarəsi tərəfindən toplanmış materiallar Gəncə Ağır Cinayətlər Məhkəməsinə göndərilib.

Ona qarşı Cinayət Məcəlləsinin 274-cü – dövlətə xəyanət maddəsi ilə ittiham irəli sürülüb.

Xatırladaq ki, Validə Yusifova bundan əvvəl İranda 1 il həbsdə olub. O, 2023-cü ilin yanvarında Türkiyədən İrana getdikdən sonra İran təhlükəsizlik xidməti əməkdaşları tərəfindən həbs edilib və uzun müddət Evin həbsxanasında saxlanılıb. 2023-cü il iyunun 16-da isə həbsxanadan İranın Astara təcridxanasına köçürülüb.

31 yaşlı Validə Yusifova həbs olunan zaman sənədlərinin tam olmamasında ittiham olunub. Bu ittiham sonradan müstəntiqlər tərəfindən dəyişdirilərək narkotik ittihamı ilə əvəz edilib. Bir müddət sonra isə Tehran İnqilab Məhkəməsində Validə Yusifovanın işi üzrə iclas keçirilib, narkotiklə bağlı ittiham onun üzərindən götürülüb və qadın bu dəfə casusluqda günahlandırılıb.

Validə Yusifova 2023-cü ilin iyulun 27-də azad edilib. Həmin gün İran İslam Respublikasının ədliyyə məmurları onu Azərbaycan sərhədçilərinə təhvil veriblər.