Evdən müğənni və rəqqasənin meyiti tapıldı

Gəncədə evdən 2 nəfərin meyiti tapılıb.

Hadisə şəhərin Atatürk peospekti 164 ünvanında qeydə alınıb. Dərhal hadisə yerinə hüquq-mühafizə orqanlarının əməkdaşları cəlb olunub. İlkin araşdırmalar zamanı meyitlərin 33 yaşlı Turxan Əliyev və 23 yaşlı Aytən Abdullayevaya aid olduğu müəyyən edilib. Onlardan Turxan Əliyevin müğənni, Aytən Abdullayevanın isə rəqqasə olduğu bildirilir.

Meyitlər Məhkəmə Tibbi Ekspertiza və Patoloji Anatomiya Birliyinin Gəncə şəhər şöbəsinə təhvil verilib. Ölümün baş vermə səbəbləri araşdırılır. Ehtimallardan biri onların dəm qazından boğulmasıdır.

Qeyd edək ki, hər iki şəxsin yaxınları polisə onların itkin düşmələri barədə məlumat veribmiş.