FHN-dən Bakı kəndində əməliyyat | Nələr tapıldı?

Bakı şəhərinin Xəzər rayonu, Buzovna qəsəbəsi ərazisində qumbara tapılıb. Bu barədə Fövqəladə Hallar Nazirliyi məlumat yayıb.

Bildirilib ki, Xüsusi Riskli Xilasetmə Xidmətinin minalardan təmizləmə üzrə çevik qrupu hadisə yerinə cəlb edilib.

Hüquq-mühafizə orqanı əməkdaşları ilə birgə ərazidə müvafiq təhlükəsizlik tədbirləri görüldükdən sonra hadisə yerinə baxış zamanı aşkar edilən sursatın döyüşə yararlı 1 ədəd F-1 əl qumbarası olduğu müəyyən edilib. Sursat zərərsizləşdirilməsi üçün ərazidən götürülərək kənarlaşdırılıb.