"Yıxılanda ağaca dəyib, onda da..." - Dəhşət: 13 yaşlı qız 9-cu mərtəbədən yıxıldı - Baku TV
Gəncədə 13 yaşlı qız çoxmərtəbəli binadan yıxılaraq ağır xəsarətlər alıb.
Hadisə martın 12-si axşam saat 10 radələrində şəhərin Yeni Gəncə qəsəbəsində yerləşən 20 saylı binada baş verib.
Doqquzmərtəbəli binanın doqquzuncu mərtəbəsində yerləşən mənzilin pəncərəsindən yıxılan qız torpaq əraziyə düşərək müxtəlif bədən xəsarətləri alıb. O, dərhal ailə üzvləri və qonşuların köməkliyi ilə şəhərdəki özəl tibb müəssisələrindən birinə çatdırılıb.
Qonşulardan biri hadisənin təfərrüatını belə izah edib:
“Uşaq balkondan baxarkən ehtiyatsızlıqdan telefonunu əlindən salıb. Deyəsən, telefonu götürmək istəyəndə yıxılıb. Şükür Allaha, yaxşıdır. Daxili qanaxma dayandırılıb, indi əməliyyat ediləcək”.
Başqa bir qonşu isə əlavə edib:
“Paltar asılan ipə, sonra da ağaca dəyib. Dərin xəsarət almayıb”.
Yeniyetmənin yerləşdirildiyi özəl xəstəxanadan bildirilib ki, pasiyent əməliyyat edilib, daxili qanaxma dayandırılıb, ümumi vəziyyəti stabildir. Hazırda xəstənin huşu özündədir, çoxsaylı sınıqlar isə sonrakı mərhələdə müalicə olunacaq.
#Gəncə teqi istifadə olunub
- “4 ildir söz verirlər ki...” | Uşaq futbol klubunda görün hansı şəraitdə oynayırlar - Baku TV
- "Haqqında elə şey deyilməmişdi ki..." | Yaxınları şokda: 17 yaşlı oğlan ata qatili oldu? - Baku TV
- "Düzəltmirlər, baxmırlar!" - Bağçada böyük təhlükə | "Belə olsa, qoymayacağam..." - Baku TV
- Gəncədə ticarət mərkəzində yanğın baş verib
- Gəncədə avtomobil yaşayış binasına çırpılıb
