Pleyeri seçin:
Goranboyda oğurluq anı kameralara düşdü | DİN-dən əməliyyat
Goranboyda ödəmə terminalından 10 min manata yaxın pul oğurlayan şəxslər saxlanılıblar. Bu barədə Daxili İşlər Nazirliyindən məlumat verilib.
Bildirilib ki, Goranboy Rayon Polis Şöbəsinin əməkdaşlarının keçirdikləri tədirlərlə rayon ərazisindəki mağazaların birində yerləşən ödəmə terminalından oğurluq etməkdə şübhəli bilinən rayon sakinləri – Elxan Hacıyev və Ziyad Namazov saxlanılıblar. Araşdırmalarla həmin şəxslərin mağazadakı ödəmə terminalını sındıraraq 9161 manat oğurladıqları məlum olub.
Bundan başqa, polis əməkdaşlarının son 1 həftə ərzində keçirdikləri digər tədbirlər zamanı narkotiklərin qanunsuz dövriyyəsi və satışı ilə məşğul olan 2, odlu silah saxlayan 1 və digər cinayətlər törədən 10 nəfər saxlanılıb.
Polis əməkdaşlarının keçirdikləri tədbirlərlə rayon ərazisindən 2 ədəd “PQ-7” markalı raket, 1 ədəd əl qumbarası, 2 ədəd tüfəng, 3 ədəd avtomat və çoxlu sayda müxtəlif çaplı patron aşkar olunub.
Kopyalandı
#Goranboy rayonu teqi istifadə olunub
Seçilmişlər
