Gürcüstanda həmyerlimizlə gürcü arasında nə baş verdi?
Gürcüstanda soydaşlarımızın kompakt yaşadıqları Kvemo Kartli Polis Departamentinin Marneuli Rayon İdarəsinin əməkdaşları keçirdikləri əməliyyat-axtarış tədbirləri və istintaq hərəkətləri nəticəsində 27 yaşlı Mamuka Qiqanini yetkinlik yaşına çatmayan şəxsə qarşı zorakılıq törətməkdə ittiham edərək saxlayıblar.
Bu barədə ölkənin Daxili İşlər Nazirliyi məlumat yayıb.
Qeyd edilib ki, istintaq zamanı müəyyən olunub ki, Marneulidə yerləşən şirniyyat mağazalarından birində mübahisə zəminində təqsirləndirilən şəxs mağazada çalışan soydaşımıza fiziki zorakılıq göstərib və hadisə yerindən qaçıb.
Hüquq-mühafizə orqanları sözügedən şəxsi hadisədən dərhal sonra saxlayıb. İstintaq Cinayət Məcəlləsinin 126-cı prima maddəsinin birinci hissəsinin "a" bəndi ilə ‒ yetkinlik yaşına çatmayan şəxsə qarşı törədilən zorakılıq faktı üzrə aparılır. Saxlanılan şəxsi 2 ilədək azadlıqdan məhrumetmə cəzası gözləyir.
#Gürcüstan teqi istifadə olunub
- İrəvan-Bakı münasibətlərindəki nisbi yumşalma Tiflis-Moskva xəttində nə vəd edir? - ANALİTİK BAXIŞ
- Kobaxidzedən Abxaziya və Cənubi Osetiya barədə açıqlama
- Mixeil Kavelaşvili: "Bu, terror aktıdır"
- "Gürcüstan güzəştə getməyəcək" - Kobaxidzedən sərt mesaj - Baku TV CANLI
- Hadisə Türkiyə sahillərində baş verib
