Həkim körpənin ölümünün detallarını açıqladı | Astarada dəhşətli hadisə

Astarada 8 aylıq körpə manejdən yıxılaraq dünyasını dəyişib.

Hadisə mayın 21-də axşam saatlarında rayonun Pensər kəndində baş verib.

Yaxınlarının sözlərinə görə, hələ 1 yaşı olmayan İslam Heybətovu oynamaq üçün evdə manejə qoyublar. O, oynayarkən yıxılıb və başından xəsarət alıb.

Qohumları körpəni dərhal Lənkəran Rayon Mərkəzi Xəstəxanasına çatdırıblar. Xəstəxanadan bildirilib ki, 8 aylıq körpənin həkiməqədər ölüm faktı qeydə alınıb.

Qeyd edək ki, 8 aylıq İslam Heybətov ailənin 3 il həsrətlə gözlədiyi ilk uşaq olub.

Faktla bağlı araşdırma aparılır.