Həyatını itirənlərin kimliyi bəlli olub | FHN açıqlama verdi

Fövqəladə Hallar Nazirliyinin “112” qaynar xəttinə Yasamal rayonu, Mirəli Seyidov küçəsi 19A ünvanında yerləşən çoxmərtəbəli yaşayış binasında yanğın baş verməsi barədə məlumat daxil olub.

Nazirlikdən bildirilib ki, daxil olan məlumata əsasən, FHN-in Dövlət Yanğından Mühafizə Xidməti, Xüsusi Riskli Xilasetmə Xidməti və Bakı Regional Mərkəzi hadisə yerinə cəlb edilib.

Məlumata görə, yanğın çoxmərtəbəli yaşayış binasında elektrik şaxtalarında baş verib.

Yanğın tam söndürülüb, sakinlər təhlükəsiz əraziyə təxliyə edilib.

Hadisə ilə əlaqədar Baş Prokurorluqda Cinayət Məcəlləsinin müvafiq maddəsi ilə cinayət işi başlanılıb. İbtidai istintaq aparılır.

Qeyd edək ki, hadisə zamanı 2018-ci il təvəllüdlü Qənbərli Arzu Əli qızı, 1983-cü il təvəllüdlü Məmmədov Samir Kamal oğlu və 1977-ci il təvəllüdlü Hümbətova Könül Vəlibəy qızı tüstüdən zəhərlənərək ölüblər.