İranlıya narkokuryerlik edən daha bir şəxs Şirvanda saxlanıldı

Şirvan polisinin keçirdiyi əməliyyat nəticəsində əcnəbi vətəndaşa narkokuryerlik edən Abşeron rayon sakini, əvvəllər də narkotiklərə görə cinayət məsuliyyətinə cəlb edilmiş Amil Şərifov saxlanılıb.

Onun əlində olan sellofan bağlamaya baxış zamanı çəkisi 2 kiloqramdan artıq olan heroin və 2 kiloqrama yaxın marixuana, eləcə də narkotik tərkibli həblər aşkar edilərək götürülüb.

Amil Şərifov öz ifadəsində bildirib ki, sosial şəbəkə vasitəsilə tanış olduğu iranlı narkotacirə kuryerlik edirmiş və üzərində aşkarlanan narkotikləri də bir miqdar narkotik vasitənin qarşılığında qabaqcadan təyin olunan yerə çatdırmalı imiş.

Faktla bağlı Şirvan Şəhər Polis Şöbəsinin İstintaq Bölməsində cinayət işi başlanılıb. Saxlanılan şəxs barəsində məhkəmənin qərarı ilə həbs qətimkan tədbiri seçilib.