Laçında səs-küylü hadisə | ANAMA-nın vəzifəli şəxsləri saxlanıldı

12 sentyabr 2025 223 baxış

Laçında Azərbaycan Respublikasının Minatəmizləmə Agentliyinin (ANAMA) bölmə rəhbərləri həbs ediliblər.

“Oxu.Az”ın “Qafqazinfo”ya istinadən verdiyi xəbərə görə, hadisə sentyabrın 11-i Laçın şəhərinin mərkəzində baş verib.

ANAMA-da bölmə rəisi işləyən 1985-ci il təvəllüdlü şəxsin idarə etdiyi “Hyundai Sonata” markalı avtomobil yol polisi əməkdaşları tərəfindən saxlanılıb.

Bu zaman sərxoş vəziyyətdə olan və sürücülük kəmərindən istifadə etməyən sürücü ilə onun yanında əyləşən, spirtli içkinin təsiri altında olan 31 yaşlı sərnişin ucadan səs-küy salıb, qeyri-etik ifadələr işlədiblər.

İctimai asayişi pozan şəxslər saxlanılaraq bölməyə aparılıblar. Burada onların ikisinin də ANAMA əməkdaşı olduqları, həmin qurumda bölmə rəisi vəzifəsində çalışdıqları müəyyənləşib.

Barələrində inzibati protokol tərtib edilən şəxslər Laçın Rayon Məhkəməsinin qərarı ilə 8 sutkalıq həbs ediliblər.

#Laçın