Moskvada qandonduran ailə faciəsi | Hadisənin detalları üzə çıxdı

21 avqust 2024

Moskva yaxınlığındakı Reutovo atıcılıq poliqonunda 43 yaşlı azərbaycanlı iş adamı 17 yaşlı oğulluğu tərəfindən sinəsindən karabinlə güllələnərək öldürülüb.

Bu barədə ölkə mətbuatında məlumat verilib. Hadisənin ehtiyatsızlıqdan baş verdiyi bildirilir.

Belə ki, azərbaycanlı iş adamı Emin Quliyev oğulluğu Dənizlə birlikdə “Streletski” atıcılıq və idman mərkəzinə gəlib. Atıcılıq məşqlərinin keçirildiyi otağa girən Emin əvvəl özü atış edib, daha sonra silahı Dənizə verib. O, telefonu ilə oğulluğunun şəklini çəkmək üçün irəli çıxıb. Bu zaman atasını görməyən Dəniz hədəfə atəş açıb və ehtiyatsızlıqdan Emin Quliyevi sinəsindən vurub. İş adamı yerindəcə dünyasını dəyişib.

Faktla bağlı atıcılıq poliqonunun inzibatçısı 51 yaşlı Mixail Aborin saxlanılıb. Onun barəsində “İstehlakçıların həyat və sağlamlığının təhlükəsizliyinə dair tələblərə cavab verməyən, ehtiyatsızlıqdan ölümlə nəticələnən xidmətlər göstərmə” maddəsi ilə cinayət işi başlanıb.

#Rusiya