Oğuzda velosipedçinin xəsarət alması ilə nəticələnən yol qəzası baş verib

Oğuzda velosipedçinin xəsarət alması ilə nəticələnən yol qəzası baş verib.

Hadisə Qaraməryəm-İsmayıllı-Şəki magistral yolunun rayonun Bucaq kəndindən keçən hissəsində qeydə alınıb.

Belə ki, rayonun Şirvanlı kənd sakini, 53 yaşlı Rəhim Cəfərov velosipedlə hərəkətdə olarkən minik avtomobili onu vurub. Ağır xəsarətlər alan şəxs əvvəlcə Oğuzdakı tibb müəssisəsinə, lakin sonra vəziyyəti ağır olduğundan Şəki Rayon Mərkəzi Xəstəxanasına çatdırılıb.

Faktla bağlı araşdırma aparılır.