Rusiyada saxlanılan “Zaur Naxçıvanski” və “Vaqif Bakinski” barədə təcili məlumat

Rusiyanın Orenburq şəhər məhkəməsi “Zaur Naxçıvanski” kimi tanınan azərbaycanlı Zaur Şipilov barəsində həbs qətimkan tədbiri seçib.

3 gün əvvəl saxlanılan şəxs azı sentyabrın 3-nə qədər həbsdə olacaq.

40 yaşlı Zaur Şipilov Rusiya Cinayət Məcəlləsinin 210.1-ci (cinayət iyerarxiyasında yüksək vəzifə tutma) maddəsi ilə ittiham olunur. Onun tanınmış azərbaycanlı kriminal avtoritet Bayram Talıbovun oğlu olması bildirilib.

Bundan başqa, iyulun 4-də Rusiyada daha bir azərbaycanlı − “Vaqif Bakinski” kimi tanınan Vaqif Süleymanovun saxlanılması barədə məlumat yayılıb.

“Kommersant” həmin şəxsin Rusiyada miqrasiya qaydalarını pozduğuna görə tutulduğunu yazıb.

Süleymanov Saxarovodakı miqrasiya mərkəzinin xüsusi təcridxanasına aparılıb. O, burada 3 ay saxlanıldıqdan sonra Azərbaycana deportasiya ediləcək.

Qeyd edək ki, hər iki şəxsin kriminal aləmdə yüksək nüfuz sahibi olduğu deyilir.