Pleyeri seçin:
Sabiq baş həkim nədə ittiham olunur? | Məhkəmə təxirə salındı
Lənkəran Ağır Cinayətlər Məhkəməsində Masallı Rayon Mərkəzi Xəstəxanasının sabiq direktoru Cəlil Nəzərovun məhkəmə prosesi davam etdirilib.
Xəstəlikdən əziyyət çəkən, buna görə azadlığa buraxılan Cəlil Nəzərov məhkəməyə təcili yardım avtomobilində, xərəkdə gətirilib.
Ona hökm elan olunması gözlənilsə də, C.Nəzərovun həkimi məhkəməyə gələ bilmədiyi üçün proses iyunun 5-nə qədər təxirə salınıb.
Qeyd edək ki, 2023-cü ilin əvvəlində sabiq direktorun məhkəmə istintaqı dayandırılıb. Buna səbəb təqsirləndirilən C.Nəzərovun səhhətinin pisləşməsi olub və o, xəstəliyi ilə bağlı azadlığa buraxılıb. İttihama görə, C.Nəzərov 2007-2020-ci illərdə qeyd olunan vəzifədə işləyərkən xəstələrə əlillik dərəcəsinin təyin olunması müqabilində 321 nəfərdən ümumilikdə 400 min manat rüşvət alıb. Həmçinin rəhbərlik etdiyi tibb müəssisəsinin maddi-texniki təminatı üçün dövlət büdcəsindən ayrılmış 275 min manat məbləğində pul vəsaitini mənimsəyib.
Kopyalandı
#Cəlil Nəzərov teqi istifadə olunub
Seçilmişlər
