Hadisə
Pleyeri seçin:
Şər və böhtandır | Təndirxana əməkdaşından təkzib
Paytaxtın 8 Noyabr prospektindəki təndirxanalardan birindən alınan qrildən qurd çıxması ilə bağlı sosial şəbəkələrdə görüntülər yayılıb.
Baku TV məsələni araşdırmaq üçün sözügedən ərazidə olub.
Təndirxana əməkdaşı İlhamə Əsədova iddiaları təkzib edib. O bildirib ki, görüntülərdə göstərilən qril onların çalışdığı təndirxanadan alınmayıb. Həmin video isə məqsədli şəkildə paylaşılıb:
“Yayılan görüntülər şər-böhtandır, bizə aid olmayan məhsuldur. Bizim burada işləməyimizi istəməyənlər var. Hətta obyekt sahibinə bizi işdən çıxarmaq üçün əlavə pullar təklif ediblər. İlin, günün bu vaxtı heç qril qalmır, necə ola bilər ki, qurdlayar? Təzə-təzə bişən kimi satılır”.
Məsələ ilə bağlı Qida Təhlükəsizliyi Agentliyindən bildirilib ki, fakt araşdırılır. Araşdırmanın nəticəsi ilə bağlı ətraflı məlumat veriləcək.
Kopyalandı
Seçilmişlər
