Sərhəddə əməliyyat keçirildi | DSX-dən təcili məlumat

Martın 31-də 2 nəfər naməlum şəxsin İrandan Azərbaycana hərəkəti müşahidə edilib.

Sərhədçilərimiz tərəfindən sərhəd pozucularının mümkün hərəkət istiqamətləri qapadılıb və ərazidə təxirəsalınmaz axtarış tədbirləri həyata keçirilib.

Sərhəd pozucuları üzərilərindəki çantanı ataraq geriyə qaçmağa cəhd ediblər. Onlara qarşı silah tətbiq olunub. Nəticədə sərhəd pozucularından biri yaralanıb, digəri isə geriyə qaçıb. Yaralı sərhəd pozucusuna ilkin tibbi yardım göstərildikdən sonra Füzuli Rayon Mərkəzi Xəstəxanasına təxliyə olunub.

Araşdırma zamanı saxlanılan şəxsin İran vətəndaşı Ramazan Ədilli olması müəyyən edilib. Xidməti ərazidən 10 kiloqram 300 qram narkotik vasitə – marixuana aşkar olunaraq götürülüb. Narkotik vasitələri götürmək məqsədilə xidməti əraziyə yaxınlaşan Beyləqan sakinləri, Rasim Atakişiyev və Məhəmməd Abdullayev də saxlanılıb.

Faktla bağlı əməliyyat-istintaq tədbirləri davam etdirilir.