Siyəzəndə baş verən qətlin təfərrüatı məlum oldu | Qonşular nələri danışdı?

Siyəzəndə qətl hadisəsi baş verib.

Qardaş öz bacısını qətlə yetirib. Hadisə rayonun Həzi Aslanov küçəsində qeydə alınıb.

Belə ki, gecə saatlarında 28 yaşlı Şəbnəm Mustafazadə 21 yaşlı qardaşı Səfər Mustafazadə tərəfindən ürəyindən bıçaqlanıb.

Hadisə nəticəsində xəsarət alan şəxs yerindəcə dünyasını dəyişib. Səfər Mustafazadə isə şübhəli şəxs qismində saxlanılıb.

“Neçə illərdir qonşuyuq. Tərbiyəli ailələri var. Dünənə qədər belə söz-söhbət yox idi. Gecə eşitdik ki, bu hadisə baş verib. Bacı, qardaş, ata, ana bir yerdə yaşayırdılar”, – mərhumun qonşusu deyib.

Faktla bağlı araşdırma aparılır.