Təyyarə Bakıya təcili eniş edib
“Virgin Atlantic” aviaşirkətinin London-İslamabad reysini yerinə yetirən hava gəmisinin kapitanı Heydər Əliyev Beynəlxalq Aeroportuna təcili eniş sorğusu göndərib.
Bu barədə Heydər Əliyev Beynəlxalq Aeroportunun Mətbuat xidmətindən məlumat verilib. Buna səbəb təyyarədə olan sərnişinin səhhətinin qəflətən pisləşməsi olub. "Boeing 787-9" təyyarəsi yerli vaxtla saat 07:37-də Bakı hava limanında uğurla eniş edib.
Qeyd edək ki, son 12 saat ərzində bu, Bakı hava limanına təcili eniş edən ikinci təyyarədir. Martın 2-də axşam saatlarında Banqkok-Amsterdam marşrutu üzrə hərəkət edən "Boeing 787” təyyarəsinin göyərtəsində sərnişinlərdən birinin səhhətinin pisləşməsi səbəbindən “EVA Air” aviaşirkəti həmçinin Heydər Əliyev Beynəlxalq Aeroportuna eniş edib.
![icon](/images/loading.png)