Velosiped sürməyə getdi, həyatından oldu | Sumqayıtda bədbəxt hadisə

Ceyranbatan su kanalının Sumqayıt şəhərinin "Stansiya Sumqayıt" deyilən ərazisindən keçən hissəsində 13 yaşlı uşaq batıb.

Ailənin verdiyi məlumata görə, İbrahim Əliyev dostları ilə ərazidə velosiped sürməyə gedibmiş.

Valideynləri aidiyyəti qurumlardan uşağın tapılması üçün kömək istəyiblər.

“Saat 2-yə işləmişdən balam yoxdur. Suları qurudun, balamı tapın. İki dostu ilə getmişdi. Dostları nə qədər çalışsalar da, tuta bilməyiblər, sürüşüb kanala düşüb”, – anası deyib.

Fövqəladə Hallar Nazirliyindən verilən məlumata görə, hazırda kanalda uşağın axtarışları davam etdirilir.