Xaçmazda 66 yaşlı qadının həyatına amansızlıqla son qoyuldu
Xaçmazda 66 yaşlı Yergüc kənd sakini Safura Balacayevanın evdə meyiti aşkarlanıb.
Onun xüsusi amansızlıqla öldürüldüyü məlum olub.
“Hadisə martın 20-si baş verib. Qadını yatdığı yerdə ya balta, ya da odunla 7 dəfə vuraraq qətlə yetiriblər. Kənd camaatı, qohum-əqrəba ilə heç bir düşmənçiliyi yoxdur. Yaşlı qadın idi, nə pulu, nə də qızılı var idi”, – mərhumun oğlu deyib.
Xaçmaz Rayon Prokurorluğundan verilən məlumata görə, istintaq-əməliyyat tədbirləri nəticəsində Tofiq Balacayevin aralarında yaranmış mübahisə zamanı qohumu Safura Balacayevaya küt alətlə xəsarətlər yetirərək qəsdən öldürülməsinə əsaslı şübhələr müəyyən edilib. Tofiq Balacayev şübhəli şəxs qismində tutulub.
Faktla bağlı Cinayət Məcəlləsinin 120.1-ci – qəsdən adam öldürmə maddəsi ilə cinayət işi başlanılıb. İbtidai istintaq aparılır.