Xəzərdə qandonduran hadisə | Dostların ölümünə nə səbəb oldu? - Baku TV

Xəzər rayonunun Bilgəh qəsəbəsində iki nəfər dənizdə batıb.

Hadisə qəsəbənin “Daçnik” adlanan, ən yaxın xilasetmə məntəqəsindən təxminən 3 kilometr aralıda yerləşən nəzarətsiz çimərlik ərazisində qeydə alınıb.

Məlumata görə, səhər saatlarında dörd dost əlverişsiz və küləkli hava şəraitinə baxmayaraq dənizə girib. Onlardan İsa Rəhimov və Rəhman Əmirov suda batıb. İsa Rəhimovun meyiti dostları tərəfindən sudan çıxarılıb, 23 yaşlı Rəhman Əmirovun axtarışları isə davam etdirilir.

Hadisə barədə Fövqəladə Hallar Nazirliyinin “112” qaynar telefon xəttinə məlumat daxil olduqdan sonra əraziyə Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin əməkdaşları cəlb olunub.

Xilasedicilərin bildirdiyinə görə, güclü külək və əlverişsiz hava şəraiti səbəbindən texnikanın dənizə daxil olması mümkün deyil. Hazırda ərazidə vizual axtarışlar aparılır.