Xocavənddə yük avtomobili aşdı, sürücü həlak oldu

Xocavənd rayonunda yük avtomobili aşıb, sürücü ölüb.

Hadisə rayonun Böyük Tağlar kəndində qeydə alınıb. Abşeron rayon sakini 44 yaşlı Həsənov Adil Qardaşxan oğlu yük avtomobili ilə hərəkətdə olan zaman idarəetməni itirib, nəticədə avtomobil aşıb. Sürücü Adil Həsənov hadisə yerində həyatını itirib.

Daxili İşlər Nazirliyinin Mətbuat xidmətinin Bərdə regional qrupundan faktı təsdiqləyiblər. Bildirilib ki, faktla bağlı araşdırmalar davam etdirilir.