Sumqayıtda "qazi" dələduzluqda şübhəli bilinərək tutuldu

Sumqayıt Şəhər Polis İdarəsi 5-ci Polis Bölməsinin əməkdaşlarının vətəndaşlardan daxil olan müraciətlər əsasında keçirdikləri tədbirlərlə özünü qazi kimi təqdim edərək dələduzluq əməlləri törtətməkdə şübhəli bilinən 1989-cü il təvəllüdlü Elşad Nağıyev saxlanılıb. Bu barədə Daxili İşlər Nazirliyindən bildirilib.

Məlumata görə, o, Sumqayıtda yaşayan iki Vətən müharibəsi qazisinə guya dövlət tərəfindən növbəsiz avtomobil almaqda köməklik göstərəcəyini vəd edib. Bununla da zərərçəkənlərin müxtəlif məbləğlərdə pul vəsaitini ələ keçirdiyi məlum olub.

Araşdırmalarla saxlanılan şəxsin Vətən müharibəsi qazisi olmadığı müəyyənləşib. Elşad Nağıyev barəsində araşdırmalar davam etdirilir.

“Onun əməllərindən zərərçəkən başqa şəxslər varsa, bu barədə polis orqanlarına müraciət edə bilərlər”, – deyə DİN-in yaydığı məlumatda qeyd olunub.