Pleyeri seçin:
Yanğın o qədər güclü başladı ki, heç nə çıxara bilmədik | Goranboyda yaşayış evi yanıb külə döndü
Goranboyda yanğın hadisəsi qeydə alınıb. Hadisə rayonun Qaradağlı kəndində baş verib.
Kənd sakini Nizami Vəliyevə məxsus ikimərtəbəli, ümumi sahəsi 386 kvadratmetr olan mansard tipli, doqquz otaqlı fərdi yaşayış evində anidən yanğın başlayıb.
Dərhal hadisə yerinə Goranboy Rayon Dövlət Yanğından Mühafizə Hissəsinin yanğınsöndürən texnikası və canlı qüvvəsi cəlb olunub. Yanğın zamanı ikimərtəbəli evin mansardının yanar konstruksiyaları, ikinci mərtəbəsində 2 otağın tavanı və içərisində olan ev əşyaları 100 kvadratmetr sahədə yanıb.
“İçəri daxil olmaq mümkün deyildi. Ehtimal edirik ki, yanğın qısaqapanma səbəbindən yaranıb, amma dəqiq səbəbini bilmirik”, – zərərçəkənin qayınatası Elbrus İbrahimov söyləyib.
Qeyd edək ki, ev sahibi Nizami Vəliyev Şuşa fatehidir və ehtiyatda olan polkovnik-leytenantdır.
Baş vermiş hadisə ilə bağlı araşdırma aparılır.
Kopyalandı
#Goranboy rayonu teqi istifadə olunub
Seçilmişlər
