Zəng etdilər ki, uşaq zəhərlənib... | Dönər Tovuz sakinlərinin başına bəla oldu
Tovuzda kütləvi zəhərlənmə hadisəsi baş verib.
Aralarında azyaşlıların da olduğu 28 nəfər zəhərlənmə diaqnozu ilə xəstəxanaya yerləşdirilib. Onların sayının artacağı istisna edilmir.
Zərərçəkənlərə zəruri tibbi yardım göstərilib, vəziyyətləri isə stabil olaraq qiymətləndirilir.
Hadisə ilə bağlı zərərçəkənlərin yaxınları bildiriblər ki, onlar dönər yedikdən sonra səhhətlərində problem yaranıb.
“Dönər yemişdim. Sonra gördüm ki, ürəyim bulanır, özümə gələ bilmirəm. Uşaqlara dedim, məni həkimə gətirdilər. Həkim sistem qoşdu, indi yavaş-yavaş özümə gəlirəm”, – zərərçəkənlərdən biri deyib.
Baş verən hadisənin səbəblərinin müəyyənləşdirilməsi ilə bağlı Qida Təhlükəsizliyi Agentliyinin mütəxəssisləri tərəfindən müvafiq qurumların əməkdaşları ilə birgə araşdırmalara başlanılıb. Agentliyin mütəxəssisləri istehlaka təqdim olunan qidalardan nümunələr götürərək laborator müayinələrə cəlb edib. İctimai iaşə müəssisəsinin fəaliyyəti məhdudlaşdırılıb.
Hazırda araşdırmalar davam etdirilir.
#Tovuz teqi istifadə olunub
- Tovuzlu fermerlər xarab olan soğanlardan gileyləndi - Baku TV
- Tovuz rayonunda valideynlər üç övladından imtina edib - Baku TV
- "Deyib ki, ərə getməsəm..." | 18 yaşlı qız qaçırıldı: “Qızı tort adı ilə aparıb...” - Baku TV
- Avtomobil dərəyə aşdı: Sürücü öldü
- Anadan körpəsinə qarşı ağlasığmaz addım | Ev sahibi hər şeyi danışdı - Baku TV
