Pleyeri seçin:
Avropa çempionatında 4 medal qazanan kudo yığmamız Vətənə qayıdıb
Litvada keçirilən kudo idman növü üzrə Avropa çempionatında uğurla çıxış edən təmsilçilərimiz Vətənə qayıdıblar.
Kaunas şəhərində baş tutan turnirə Azərbaycan İdman İstedadları Akademiyasının maliyyə dəstəyi, Gənclər və İdman Nazirliyinin və “Azərbaycan Karate Federasiyası” İctimai Birliyinin təşkilati dəstəyi ilə yollanan Azərbaycan Koşiki Karate-do Federasiyasının Kudo üzrə yığması yarışa 5 idmançı ilə qatılıb. Onlar qitə çempionatını 3-ü qızıl və 1-i gümüş olmaqla 4 medalla başa vurublar.
Qeyd edək ki, oktyabrın 28-dən 30-dək keçirilən kudo idman növü üzrə Avropa çempionatında Azərbaycan idmançıları ilə yanaşı, Bolqarıstan, Litva, Gürcüstan, Fransa, İtaliya, Ermənistan, Ukrayna, Malta, İngiltərə, Qırğızıstan, Estoniya və İspaniya nümayəndələri mübarizə aparıb.
Kopyalandı
