Azərbaycan millisi Belçika yığmasının qonağı olub

Azərbaycan millisi AVRO-2024-ün seçmə mərhələsində növbəti görüşünü keçirib.

Ötən turda Bakıda İsveç yığmasına 3-0 hesabı ilə qalib gələn futbolçularımız bu dəfə Belçika komandasının qonağı olublar.

Brüsseldə baş tutan matçda hesabı 17-ci dəqiqədə Romelu Lukaku açıb. 24-cü dəqiqədə isə seçməmiz azlıqda qalıb.

Qısa vaxt ərzində 2 dəfə sarı vərəqə ilə cəzalanan Eddi İsrafilov meydandan uzaqlaşdırılıb. Bundan sonra təzyiqi artıran belçikalılar fasiləyə qədər daha 3 qol vurublar.

Bütün topları aktivinə yazan Lukaku ilk hissədə pokerini rəsmiləşdirib. Qarşılaşmada son nöqtəni 90-cı dəqiqədə Leandro Trossard qoyub. Belçika – Azərbaycan: 5-0.

Bu nəticədən sonra xallarının sayını 20-yə çatdıran Belçika millisi F qrupunu 1-ci pillədə tamamlayıb. 7 xalı olan yığmamız isə 4-cü yeri tutub.