Basketbol Liqası: “Neftçi” çempionatın əsas favoritini məğlub edib

Azərbaycan Basketbol Liqasında V turun mərkəzi matçı keçirilib. Çempionatın əsas favoritləri sayılan "Neftçi" və "Sabah" komandaları üz-üzə gəlib.

Sumqayıt Olimpiya İdman Kompleksində keçirilən və bərabər mübarizə şəraitində davam edən görüş “ağ-qaralar”ın 96:93 hesablı qələbəsi ilə bitib.

“Neftçi”nin heyətindən ən məhsuldar basketbolçu 27 xal, 9 ribaundla Toraje Breyk olub. "Sabah"dan isə 22 xal və 9 ribaundla Kivon Devenport fərqlənib.

Qeyd edək ki, turun son oyununda "Şəki" kollektivi "Xəzri" ilə qarşılaşacaq.