İdman
Pleyeri seçin:
Bu gün AVRO-2024-də 1/4 finalın 2 oyunu olacaq
Almaniyada keçirilən futbol üzrə Avropa çempionatında bu gün 1/4 final mərhələsi başlayır.
Əvvəlcə Bakı vaxtı ilə saat 20:00-da Almaniya və İspaniya milliləri üz-üzə gələcək. Sonuncu dəfə 2022-ci ilin mundialında 1-1 hesablı sülh bağlayan yığmalar bu matça tam heyətlə hazırlaşır. Ştutqart şəhərində keçiriləcək oyunun baş hakimi isə ingiltərəli Entoni Teylor olacaq.
Digər görüş 2016-cı il qitə çempionatının finalçıları Portuqaliya və Fransa yığmaları arasında keçiriləcək. Hamburq şəhərindəki “Folksparkştadion”da təşkil olunacaq qarşılaşmada Fransa seçməsi cəzalı Adrien Rabyonun köməyindən istifadə edə bilməyəcək. Saat 23:00-da başlayacaq oyunda ədaləti isə Maykl Oliverin başçılıq etdiyi ingiltərəli hakimlər briqadası qoruyacaq.
Qeyd edək ki, 1/4 finalın digər qarşılaşmaları iyulun 6-sı keçiriləcək. Düsseldorf şəhərində İngiltərə və İsveçrə komandaları, Berlində isə Niderland və Türkiyə yığmaları münasibətlərə aydınlıq gətirəcək.
Kopyalandı
Seçilmişlər
