Pleyeri seçin:
Bundesliqanın ulduzu "Barselona"ya qayıtmağa hazırlaşır
“Leypsiq”in yarımmüdafiəçisi Xavi Simons bu yay Almaniya klubu ilə yollarını ayırmağı planlaşdırır.
Tanınmış insayder Fabritsio Romanonun məlumatına görə, niderlandlı futbolçu 2019-cu ilə qədər çıxış etdiyi “Barselona”ya qayıtmaq arzusundadır. Lakin X.Simonsun “blauqrana”ya keçidinin bu yay baş tutmaq ehtimalı azdır.
Məlumatda 21 yaşlı futbolçu ilə İngiltərə çempionatı klublarının maraqlandığı vurğulanır. “Leypsiq” isə futbolçunun mümkün transferindən təxminən 75 milyon avro qazanmaq istəyir.
Cari mövsümdə bütün turnirlər nəzərə alınmaqla 29 matçda iştirak edən yarımmüdafiəçi bu qarşılaşmalarda 10 qol və 6 assistlə diqqət çəkib.
Qeyd edək ki, X.Simonsun klubla müqaviləsinin müddəti 2027-ci ilə qədər nəzərdə tutulub. “Transfermarkt” portalı futbolçunu 70 milyon avro məbləğində qiymətləndirir.
Kopyalandı
#Leypsiq FK teqi istifadə olunub
Seçilmişlər
