Gənclər arasında dünya çempionu olan şahmatçılarımız Vətənə qayıdıb

İtaliyada keçirilən gənclər arasında dünya çempionatında uğur qazanmış Azərbaycan şahmatçıları Vətənə qayıdıblar.

Rapid üzrə dünya çemionu Gövhər Beydullayeva və blits üzrə dünya çempionu Məhəmməd Muradlını Heydər Əliyev Beynəlxalq Aeroportunda şahmatsevərlər, federasiya nümayəndələri və jurnalistlər qarşılayıblar.

Gövhər Beydullayeva İtaliyadakı dünya çempionatında çıxışından bəhs edib:

“Rapid və blits üzrə dünya çempionatı idi. Ötən il olduğu kimi bu il də həm qızlar, həm oğlanlar arasında qızıl medal qazanmağı bacardıq. Çox sevincliyəm ki, İtaliyada iki dəfə himnimiz səsləndi”.