Konfrans liqası “Sabah” - “Partizan” matçı

“Sabah” komandası UEFA Konfrans liqasının III təsnifat mərhələsində cavab oyununa keçirib. “Bayquşlar” Serbiyada “Partizan” kollektivinin qonağı olub.

Belqradda baş tutan oyunda hesabı “Partizan” açıb. 30-cu dəqiqədə Mateus Saldanya fərqlənib. İlk hissədə başqa qol olmayıb.

İkinci yarıda serbiyalılar fərqi artıtrıblar. Bu dəfə Bibras Natxo “Sabah”ın qapısına yol tapıb. 2-0. Əsas vaxtda başqa qol olmayıb.

Bakıda keçirilən ilk görüşdə təmsilçimiz 2-0 hesabı ilə qalib gəldiyi üçün əlavə vaxt oynanılıb. Burada da tərəflər fərlənə bilmədiyindən 11 metrlik zərbələrə ehtiyac yaranıb. Penaltiləri daha dəqiq yerinə yetirən “Partizan” pley-off mərhələsinə adlayıb.

Qeyd edək ki, Serbiya komandası növbəti mərhələdə Danimarkanın “Norşellann” kollektivi ilə üz-üzə gələcək.