Millimizin məşqçisi Arif Əsədov Bolqarıstanla matçdan danışıb

"Maraqlı oyun oldu. Hər iki komanda yaxşı oynadı. Komandam bu oyuna çox istəkli çıxmışdı. Əzmkar oyun göstərdilər. Sona qədər qələbə qazanmaq haqda düşünürdük".

Bu sözləri "FIFA series – Edition 2024" layihəsi çərçivəsində bu gün Bolqarıstanla keçirilən matçdan (1:1) sonra Azərbaycan yığmasının məşqçisi Arif Əsədov deyib.

"Sona qədər qələbə qazanmaq haqda düşünürdük. Ani vəziyyətdə qol buraxdıq. Sonradan etdiyimiz əvəzetmələr oyunumuzu daha da gücləndirdi. Qol vurduq və bir neçə 100 faizli imkanlarımız var idi. Komanda istədiyimin 70-80 faizini yerinə yetirirdi. Birinci oyunda olduğu kimi qol epizodlarından istifadə edə bilməməyimiz öz sözünü dedi", – deyə o əlavə edib.