MMA döyüşçülərimiz Elgün Xanoğlanlı və Amin Qasımovdan "Open FC"-də qələbə

Azərbaycanlı peşəkar MMA döyüşçüsü, Amerika Birləşmiş Ştatlarında yaşayan Elgün Xanoğlanlı Özbəkistanda keçirilən “Open FC” turnirində parlaq qələbə qazanıb.

Daşkənd şəhərində baş tutan yarışda ukraynalı Roman Mayniçlə üz-üzə gələn həmyerlimiz rəqibini boğucu fəndlə məğlub edərək uğurunu Azərbaycan bayrağı ilə qeyd edib.

Elgün Xanoğlanlı ilə yanaşı, daha bir MMA döyüşçümüz Amin Qasımov da Özbəkistandakı “Open FC” turnirində qələbəyə sevinib. Yerli idmançı Bobur İbrahimovla qarşılaşan Amin nokautla qələbə qazanıb. Bununla da azərbaycanlı döyüşçü karyerası ərzində qatıldığı 11-ci görüşdə 10-cu qalibiyyətini əldə edib.