"Neftçi" 33-cü turda "Qarabağ"ın qonağı olub

Azərbaycan Premyer Liqasının 33-cü turu çərçivəsində daha 1 oyun keçirilib.

"Qarabağ" klubu "Neftçi"ni qəbul edib. Görüş “köhlən atlar”ın 5:0 hesablı qələbəsi ilə bitib.

Qarşılaşmada hesab 12-ci dəqiqədə açılıb. Nəriman Axundzadə “ağ-qaralar”ın qapısını dəqiq nişan alıb. 41-ci dəqiqədə fərq 2-yə çatıb. Toral Bayramov komandasının ikinci qolunun müəllifi olub.

İkinci yarıda da hücumlarına ara verməyən ağdamlılar daha 3 topu paytaxt təmsilçisinin qapısından keçirib. Dublunu rəsmiləşdirən Nəriman Axundzadə ilə yanaşı, Leandro Andrade və Abdullah Zubir fərqləniblər.

Qeyd edək ki, daha əvvəl 11-ci çempionluğunu rəsmiləşdirən "Qarabağ"ın hazırda 76 xalı var. "Neftçi" isə 50 xalla 3-cü yerdədir. Əlavə edək ki, “Qarabağ” növbəti turda “Zirə”nin qonağı olacaq. “Neftçi” isə “Kəpəz”i qəbul edəcək.