MMA döyüşçümüz Ramin Sultanov "Eagle FC" təşkilatında çempion olub

Azərbaycanlı MMA döyüşçüsü Ramin Sultanov “Eagle FC" təşkilatının yeni çempionu olub.

Həmyerlimiz “Eagle FC 54” turniri çərçivəsində rusiyalı Maqomed Kurbanovla üz-üzə gəlib.

Dörd raund davam edən döyüşün sonunda rəqibini boğucu fəndlə məğlub edən R.Sultanov yüngül çəkidə kəmərin sahibi olub.

Qeyd edək ki, Ramin Sultanov MMA karyerası ərzində keçirdiyi 9 döyüşdə qələbə qazanıb, cəmi 1 dəfə məğlub olub. Onun rusiyalı rəqibi M.Kurbanovun isə 5 qələbə, 1 məğlubiyyəti var.