Pleyeri seçin:
"Barselona" La Liqada möhtəşəm qələbə qazandı
İspaniya çempionatının 33-cü turu “Barselona”nın möhtəşəm qələbəsi ilə əlamətdar olub. “
Valensiya”nı qəbul edən “blauqrana” 22-ci dəqiqədə Fermin Lopezin qolu ilə hesabı açıb. Ancaq cəmi 5 dəqiqə sonra Uqo Duro Ter Ştegenin kobud səhvindən yararlanaraq tarazlığı bərpa edib: 1-1.
38-ci dəqiqədə “yarasalar” irəli çıxıblar. Pepelu 11 metrlik nöqtədən komandasına üstünlük qazandırıb. Lakin qonaqların sevinci çox çəkməyib. Fasilə ərəfəsində “Valensiya”nın qapıçısı Giorgi Mamardaşvili cərimə meydançasının kənarında əllə oynadığı üçün birbaşa qırmızı vərəqə ilə cəzalandırılıb.
2-ci yarıda isə “Barsa” dönüş edib. Əvvəlcə 49-cu dəqiqədə hesabı bərabərləşdirən Robert Levandovski matçın sonlarında daha iki qol vurub. “Barselona” – “Valensiya”: 4-2.
Xallarının sayını 73-ə çatdıran kataloniyalılar 2-ci pillədə qərarlaşıb. Komanda lider “Real Madrid”dən 11 xal geri qalır.
Kopyalandı
#İspaniya çempionatı teqi istifadə olunub
