"Neftçi" "Beşiktaş"la qarşılaşdı
“Neftçi” klubu UEFA Konfrans liqasının III təsnifat mərhələsində ilk oyununu keçirib.
“Ağ-qaralar” doğma meydanlarında “Beşiktaş” kollektivi ilə üz-üzə gəliblər. Matçda hesab 14-cü dəqiqədə açılıb. “Qara-qartallar”ın heyətindən Vensan Abubakar fərqlənib. Cəmi 9 dəqiqə sonra fərq 2-yə çatıb. Bu dəfə Cekson Muleka “Flaqman”ın qapısına yol tapmağı bacarıb. Tərəflər fasiləyə “Beşiktaş”ın minimal üstünlüyü ilə yollanıblar.
İstanbul təmsilçisi 2-ci yarıda da üstünlüyünü davam etdirib. 62-ci dəqiqədə Salih Uçan komandasının 3-cü qoluna imza atıb. Oyunda son nöqtəni “Neftçi” qoyub. Bakı klubu 79-cu dəqiqədə Kilan Lebonun qolu ilə 1 topun əvəzini çıxıb. “Neftçi” – “Beşiktaş”: 1-3.
Qeyd edək ki, bu komandalar arasında cavab qarşılaşması avqustun 17-si İstanbulda baş tutacaq.