"Sabah" Serbiya klubunu məğlub edib

“Sabah” klubu UEFA Avropa liqasının III təsnifat mərhələsində ilk oyununu keçirib.

“Bayquşlar” doğma meydanlarında Serbiyanın “Partizan” klubunu sınağa çəkiblər. Matçın ilk hissəsində qapılar önündə qol şansları yaransa da, hesab açılmayıb.

2-ci yarı isə daha maraqlı alınıb. “Sabah” 70-ci dəqiqədə hesabı açmağı bacarıb. Boyan Letiç komandasının və özünün ilk qolunu vurub. Cəmi 4 dəqiqə sonra Letiç dubla imza atıb. Bununla da “Sabah” 2-0 hesablı qələbə ilə azarkeşlərini sevindirib.

Qeyd edək ki, bu kollektivlər arasında cavab matçı avqustun 17-si Belqradda baş tutacaq.