Qurban Qurbanovdan Avropa Liqası ilə bağlı açıqlama

“Hansısa səviyyəyə çatmaq asandır, amma orada qalmaq çətindir. Bu gün bunu bacardıq. Azarkeşlərimizi Avropa futbolundan ayırmadıq. İnanıram ki, bu təcrübə bizə böyük kömək olacaq”.

Bu sözləri “Qarabağ”ın baş məşqçisi Qurban Qurbanov Bakıda Sloveniyanın “Olimpiya” klubu ilə 1-1 hesablı heç-heçə etdikləri UEFA Avropa liqasının pley-off mərhələsinin cavab oyunundan (ilk matç - 0-2) sonra mətbuat konfransında deyib.

Baş məşqçi 10-cu dəfə qrupa düşməyi daha çox arzuladığını bildirib:

“Hər il qruplarda oynamaq rəhbərliyə, futbolçulara və mənə əlavə məsuliyyət verir. Böyümək üçün çətinliklərə hazır olmalıyıq. Bu il 10 rəqəmini tamamlamaq istəyirdik. Bəlkə də, mənim üçün hansısa illərdən daha önəmli oldu”.