Rəcəb Tayyib Ərdoğan Türkiyə millisini təbrik edib

Türkiyə millisinin AVRO-2024-ün 1-ci turunda Gürcüstan yığması üzərində qələbəsindən sonra ölkə prezidenti Rəcəb Tayyib Ərdoğan komandanı təbrik edib.

Əvvəlcə baş məşqçi Vinçenzo Montella ilə danışan dövlət başçısı komandanı təbrik edib və gözəl oyun keçirdiklərini söyləyib.

Rəcəb Tayyib Ərdoğan görüşdə fərqlənən Mərt Müldür, Arda Gülər və Kerem Aktürkoğlu ilə də danışaraq onlara da təbriklərini çatdırıb.

Qeyd edək ki, AVRO-2024-ün 1-ci turu çərçivəsində Gürcüstan seçməsi ilə qarşılaşan Türkiyə 3-1 hesablı qələbə qazanıb. “Ay-ulduzlular” 2-ci turun görüşündə Portuqaliya ilə üz-üzə gələcək.