Türkiyəli voleybolçuların qələbə rəqsi

Tarixində ilk dəfə voleybol üzrə Millətlər Liqasının qalibi olan Türkiyə millisi qələbəsini maraqlı formada qeyd edib.

“Filenin sultanları” adlandırılan voleybolçular tarixi uğurlarından sonra ölkələrinin məşhur musiqisi “erik dalı” ilə rəqs ediblər. Görüntülər qısa zamanda Türkiyə mediasında gündəm olub.

Qeyd edək ki, ABŞ-də keçirilən yarışın finalında Türkiyə yığması Çinlə qarşılaşıb. Rəqiblərini 3-1 hesabı ilə məğlub edən “sultanlar” ilk dəfə yarışın qızıl medalını qazanıblar. Kollektiv bu nəticə ilə Türkiyə voleybol tarixində ilkə imza ataraq dünya sıralamasında birinci yerə yüksəlib.