UEFA Ermənistan Futbol Federasiyasına intizam işi açdı

UEFA AVRO-2024-ün seçmə mərhələsində Ermənistan – Xorvatiya matçında təxribatla əlaqədar intizam işi açıb.

Buna İrəvanda keçirilən qarşılaşma zamanı dron vasitəsilə Qarabağdakı separatçı rejimin əsgi parçasının nümayiş etdirilməsi səbəb olub.

Hadisə ilə əlaqədar Avropanın ali futbol qurumu Ermənistan Futbol Federasiyasını stadionda ictimai keçidlərin bağlanmasında, qarşılaşma ərzində siyasi və təxribat xarakterli mesajların verilməsində ittiham edir.